Российысе тӱрлӧ кундемыште илыше марий-влакын семыштым электрон вариантыш кусарыме. Тиде марий электрон семпогышко чылаже 19 куштымо семым да кум мурым пуртымо.
Ты кӱлешан проектым Российысе марий-влакын федеральный национально-культурный автономийышт Калык-влакын пашашт шотышто федерал агентстве (ФАДН) полшымо дене илышыш шыҥдарен. Тыгак ты сомылым ворандарымаште тӱрлӧ кундемысе национально-культурный автономийын поро йолташыже-влак полшеныт.
Тиде шкешотан ойпого дискыш Марий Турек район Арбор да Курыкмарий велын куштымо семышт, Слветский район Кельмаксола, Шернур вел Койсола ден Морко сӱан сем-влак дене пырля Виче да Угарман кундемынат, Татарстанысе Агрыз район Буймо велынат семышт пурталтыныт.
Ынде кеч-могай мероприятийым, пайремым нине сем-влак дене сӧрастараш лиеш. Тудым «скачать» манме йӧн дене шке телефоныш але компьютерыш налын кертыда. Сем-влакым «ВКонтакте» соцкылыште «Федер. нац-культурная автономия марийцев России» тӱшкаш вераҥдыме.
Эльвира Терентьева.