Марий Эл гыч тунемше – усталык конкурсын финалыштыже

Сӱретым testograf.ru сайт гыч налме.

Тӱнямбал йочам аралыме кече вашеш Марий Эл Республикысе МВД «Дядя Стёпа полицейский» усталык йоча конкурсым ий еда эртара. Тиде ийын тудо индешымше гана лиеш.

Икымше этапыште йоча-влак тӱрлӧ материал дене (куэм, кагаз, кӱ, пу, шун, пластик да т.м.) модышым ыштеныт. Марий Эл гыч тунемше, республикысе этапым сайын эртен, курчак конкурсын финалышкыже лектын. Тиде – Лӱльпанысе тулык да ача-ава деч посна кушшо йоча-влак рӱдерыште тунемше Денис Гарифуллин «Городовой, конец XIX — начало XX века» лӱман пашаж дене. Рвезылан 1 июнь марте https://ос.мвд.рф/полицейский-дядя-степа-2021?voted=1 сайтыште йӱклаш лиеш.