Кызыт Россий мучко «Лучший спортивный лидер» конкурсышто йӱклымаш эрта. Тушко Советский район администрацийын самырык-влакын политикышт, физический культур, спорт да туризм пӧлкам вуйлатышын алмаштышыже В.В.Шабалин ушнен.
Икымше этап шеҥгелан кодын. 15 ноябрь гыч кокымшо этап тӱҥалын. Тушто ынде 30 еҥ таҥаса. Иктыже — марий спортсмен.
Владислав Вениаминович верч тыште йӱклаш лиеш. (https://trurez.ru/vote#rec514291242)
Конкурс Россий мучко эртыше «Спорт – норма жизни» федерал проектын «Твой выбор – физкультурно-спортивный клуб» программыж почеш илышыш шыҥдаралтеш. Тудо тренер-влакын квалификацийыштым нӧлташ, спорт сооруженийлан оксам ойыраш, тыгак «Лучший спортивный лидер», «Лучший физкультурно-спортивный клуб» направленийлам вияҥдаш полша.