Кодшо арнян Моско областьыште «Сыр.Пир.Мир.» фестиваль эртаралтын. Тушко Российын 54 регионжо гыч сырым, вином, сырам ыштыше, кидмастар-шамыч да фермер-влак погыненыт. Ончаш да канаш мийыше-влак мӱйым, сырым, пӱрым, киндым, колым да моло сатум налын кертыныт.
Фестиваль жапыште «Российын эн сай сырже 2022» конкурсым иктешленыт. Тушко 172 сыроварне ушнен. Марий Эл гыч «ЗаАзяково» сырым ыштыше организаций тыгак ты конкурсыш ушнен. Нуно кок тӱрлӧ сырым аклаш луктыныт: «Твёрдый сыр Принц Георг и Твёрдый сыр Медведевский».
«Медведевский» лӱман сыр «Выдержанные сыры» номинацийыште ший медаль дене палемдалтын.
Интернет гыч налме фото.