Таче Москошто «Вкусы России» кокымшо гастрономический фестиваль тӱҥалеш. Тушко 2020-2021 ийлаште «Вкусы России» регионысо кочкыш сату бренд-влак национальный конкурсын участникше-шамыч ушнат.
16 июль марте рӱдоласе 26 площадкыште элнан тӱрлӧ кундемысе фермер-влакын ямдылыме сатум тамлен ончаш да налаш лиеш.
Марий Эл гыч кум бренд ты фестивальыш ушна: «ЗаАзяково» экофермын сыр ден шӧр сатужо, «Марий Отар» мӱй, «Чай Руси» ООО-н чай йӱышыжо.