19 июльышто «Ледокол открытий» лӱман экспедиций шке пашажым тӱҥалын.
Марий Эл гыч тушко школышто тунемше Маргарита Жирнова лу кечылан кая. Ӱдыр кокымшо гана эртаралтше «Большая перемена» конкурсын участникше. Ты конкурсын чолга ӱдыр-рвезе-влак деч посна тыгак Российын сулло полярникше Виктор Боярский, синхронный йӱштылмаш дене олимп чемпион Алла Шишкина, Стас Море музыкант да шымлызе-влак экспедицийыш ушнат. Кужу корныш «Сеҥымашлан 50 ий» эн кугу атом ледокол дене лектыныт.
Экспедицийыште самырык-влак шке регионыштын флагшым шындышаш улыт. Кок арня жапыште участник-влак мланде шарын чыла мередианжым эртат, Франц-Иосифын Мландышкыже шогалыт, Арктикын пӱртӱсшӧ дене палыме лийыт да атом ледоколын экипажше дене мутланат, шуко оҥайым пален налыт.