30 октябрьыште «Диво России» IX туристический видеопрезентаций фестиваль-конкурс мучашлалтын. Тудо Тверь олаште эртен. Финалыш 298 оҥай проектым ойырен налыныт. Тушеч 12 проектше Марий Эл гыч.
Мутлан, Йошкар-Оласе туристско-информационный рӱдер куд авторский видеом темлен. «Йошкар-Ола – место притяжения» видео «Вертикальные видео до трёх минут» номинацийыште кумшо вер дене палемдалтын.
Тыгак оласе Историй тоштер «Российская организация высокой социальной эффективности» конкурсын регионысо этапшын «За развитие социального партнёрства организациях непроизводственной сферы» номинацийыштыже икымше лийын.
Республикысе Спорт да туризм министерствын видеороликше-влак «Гастрономический туризм», да «Туристические дестинации» номинацийлаште икымше верыш да «Легенды, мифы и предания» номинацийыште кокымшо верыш лектыныт.