Кодшо арнян Пошкырт кундем Благовещенск олаште илыше марий ӱдырамаш Рая Бикмурзина 1 канал дене ончыкталтше «Поле чудес» передачыш миен коштын. Раисия дене пырля Москошко ты ола гычак «Оҥгырйӱк» ансамбль миен, вет Р.Бикмурзина шкежат – ты коллективын тале солисткыже.
Марий ансамбль передачыште «Кандырам» кушталтен. Пырля Леонид Якубовичат куштен. Войзымо ты передачым 1 каналыште 30 апрельыште ончыктышт.
