26 ноябрьыште Озаҥ оласе марий-влакын национальный автономийыштлан 30 ий темме лӱмеш «Марий чон – мыланна 30 ий» пайрем эртаралтын.
Мероприятийым «Лай мардеж», «Озаҥ мари», ансамбль-влак, рушарня школын марий пӧлкан участникше-влак, Мария Кибаева сӧрастареныт. Тыгак ӱжмӧ уна-влак калыкын кумылжым нӧлтеныт: Володя Матвеев, Юрий Скаредин, Геннадий Яшин, Вероника Ямпольская да молат.
Марий Эл гыч эн кугу делегаций миен, палемдат организатор-влак. Нунын коклаште Марий Эл правительстве вуйлатышын икымше алмаштышыже М.З.Васютин, Марий Эл Кугыжаныш Погын вуйлатышын алмаштышыже Л.Н.Яковлева, Марий тӱвыра рӱдер вуйлатыше Н.В.Пушкина, Оньыжа Э.В.Александров да молат.
Тылеч посна мероприятийлан кум фильмым ямдылыме. Нуным теат ончалын кертыда.