Калининград областьын географий картыштыже «Марийский лес» манын возымым ала теат ужында? Тудын воктеныжак Марийское посёлко уло.
Марийское посёлко Калининград областьыме Багратион ола округыш пура. Посёлко 1946 ий марте Вайссенштайн маналтын. Немыч йылме гыч ош кӱ манын кусаралтеш.
А посёлко моткоч изи, историйжат кӱчык. Тушто эше 1910 ийыште 282 еҥ илен, 1933 ийыште – 339, 1939 ийыште – 342. XXI курымыштат тыште илыше-влак ешаралтын огытыл: 2002 ийысе перепись почеш, 180 еҥым ончыктымо, 2010 ийысе почеш – 165 еҥым.
А 2020 ийысе (2021 ийыште эртен) перепись почеш, Багратион районышто илыше кандаш еҥ марий улам манын ончыктен. Кугу ӱшан уло: ала нунак посёлкын лӱмжым вашталтыме годым Марийское лӱмым Марий АССР гыч илаш куснышо колхозник-влак темленыт.
Теве воктенак улшо Марий чодыраште кок ий ончыч поҥго кушкын огыл, а тылеч ончыч поҥго шуко манме. Такше тиде иман чодыра, сандене тыгай верыште, чынжымак, поҥгым эре от му.
