Марий Элыште Россий обороно министерстве дене контрактым ышташ кумылан еҥ-влакым вучат. Тыгай еҥ-шамычым Марий батальоныш чумырат.
Тудын тӱҥ шонымашыже – республик гыч земляк-влакым ик подразделенийыш чумыраш, нунын командирыштат ты кундем гычак лиеш. Батальон боевой действийлаште, Украиныште каен шогышо специальный военный операцийыште участвоватлаш тӱҥалеш.
Шке лӱмжӧ, палыже
Марий батальонын вич подразделенийжылан талешке але шочмо йылме дене кылдалтше вес лӱмым пуышаш улыт. Кум тыгай подразделений кызытеш «Иден», «Полтыш» да «Акпатыр» лӱм-влакым нумалеш. Батальон-влакын регионысо ойыртем палыже, шке тистыже да шевронжо лийшаш улыт.
Кӧм налыт?
Именной батальонлаш армийыште служитлыше да судимость деч посна 18-50 ияш пӧръеҥ-влакым налыт. Контракт почеш службын эн изи срокшо – ныл тылзе. Батальонын участникше-влаклан федеральный да регионысо оксам тӱлат. Кажне тылзын тӱлымӧ окса кугыт – 300 тӱжем теҥге, военнослужащийын ешыжлан республикысе бюджет гыч эше 200 тӱжем теҥгем ешарен тӱлат. Батальонын кажне военнослужащийжылан боевой действийын участникше статусым пуат.
Лекше йодышым илыме вер почеш олаласе але районласе военный комиссариатлаште рашемдыман.