«Моя страна – моя Россия» XVII конкурсын коло номинацийыштыже тений 63011 еҥ таҥасен. Тушеч иктыже – Марий Эл гыч Елена Глушкова.
Елена МарГУ-што общий да профессиональный образований факультетыште шинчымашым пога. Конкурсышто «Вечер традиций» проектым арален. Ӱдырын шанче вуйлатышыже – МарГУ-н кугурак преподавательже, деканын воспитательный паша шотышто алмаштышыже Анастасия Кузнецова.
Проектын тӱҥ шонымашыже – финн-угор калык-влакын тӱвыра историйышт дене кылдалтше лагерьым кеҥежым почаш.
