Марий кугыжаныш университетын Медицине институтшын студентше-влак бадминтон дене Юл кундем федерал округысо ХХ открытый студенческий модмашыш ушненыт. Тушто чылаже кандаш команде таҥасен.
МарГУ-н спортсменже-влак Вискас Вишвакарма ден Дас Уджджал пӧръеҥ разрядыште 5-ше верыш лектыныт. Танвара Швета ден Пракаш Айшвария 12 ӱдыр мужыр гыч кудымшо лийыныт. Смешанный разрядыште МарГУ-н командыже 9-ше верыш лектын.
Ӱдыр-рвезе-влакын тренерышт физический культур, спорт да туризм факультетын кугурак преподавательже Ольга Устыменко.