Пайдале книга
Анатолий Валевский «Горький вкус мандаринов» произведенийыштыже Эллиот лӱман инвалид-колясочник нерген воза. Эллиот начар тазалыкан йоча-влаклан интернатыште ила. Тушто илыше-шамычым автор «Голгофой» манеш. Илышыште вашлиялтше тӱрлӧ нелылыкым, шкетын кодмым, кокытеланымым сеҥен лекташ Эллиотлан пырля тунемше Мик полша. А тудын пӱрымашыже верч азапланыше, литературым туныктышо Матильда да «Голгофойын» директоржо рвезым пеҥгыде койыш-шоктышан лияш туныктат. Тыге Эллиот ӱшан да кугу шонымаш дене ончыко ончаш тунемеш.