200 мл шокшо вӱдыш кум изи совла мелиссам пыштыза, вич минут петырен шинчыктыза. Кечыште 1-2 стакан тыгай чайым йӱман. Стресслан кӧра пагар корштымо годымат чай пеш пайдале лиеш.
Ик кугу совла висвис пеледышым, 1 кугу совла мелиссам, пел кугу совла умла пӱгыльмым иктеш варыза. Ик стакан шокшо вӱдыш пел кугу совла шудо вартышым пыштыза, петыртыш йымалне 15 минут шинчыктыза. Шӱрыза да малаш вочмо деч кок шагат ончыч йӱза.
200 мл шокшо вӱдыш ик изи совла коштымо шалфейым пыштыман, 15 минут шинчыктыман. Малаш вочмо деч ончыч мӱй дене йӱман. Тыгай чайым кугу событий деч ончыч але варат йӱаш темлат.