23 гыч 29 май марте Йошкар-Олаште финн-угор театр-влакын «Майатул» фестивальышт эрта. Тидын шотышто 28 апрельыште М.Шкетан лӱмеш драмтеатрыште пресс-коференций лие.
Тушто палемдышт: фестивальым май мучаште эртараш Республикысе тӱвыра, печать да калык-влакын пашашт шотышто министерстве темлен, вет сентябрь моло фестивальланат пеш поян.
План почеш 23 майыште фестивальым «Югорно» спектакль дене почшаш ыльыч, но кызыт тудым «Торешвате» дене вашталтеныт. Тылеч посна Коми-Пермяк, Мордовий, Удмуртий, Карелий да Хант-Манси кундемла гыч театр-влак мастарлыкыштым ончыктат.
Постановко-влакым Моско, Санкт-Петербург да Уфа гыч толшо критик да театровед-влак аклаш тӱҥалыт.