Южгунам, мӱшкыр темше гынат, эре шужымо гай чучеш. Тыгай годым чайым ямдылаш лиеш.
T 200 мл шокшо вӱдыш ик изи совла тыгыдемдыме аир шудым пыштыман. Изиш шинчыктымеке шӱрыман да вигак йӱман. Аир олмеш пӱртньыкым, мелиссам, висвисым, тминым але вӱршудым налаш лиеш.
T Пӱчмышудо (тысячелистник) ден висвис пеледышым икнаре гыч налман. Ик стакан шокшо вӱдыш ик изи совла шудо вартышым пыштыман. Йӱкшымеке шӱрыман да йӱман.
T Пызлышудо (пижма) ден висвис пеледыш-влакым, икнаре гыч налын, блендер дене тыгыдемдыман. Ик изи совла пеледыш вартышым тынарак мӱй да арымшудо дене варыман да изирак шарик-влакым ыштыман. Нуным пайрем ӱстел деч ончыч, кочмо годым да пайрем деч вара кочман.