Кужэҥер район Кугу Тумньымучаш ялыште илыше, мӱкшым ятыр ий ончышо Валентин Еменгулов умылтара:
— Мӱкш ым кок чер витара — тиде варроатоз да известкаҥмаш. Варроатоз — паразит чер, пудий мӱкшын шулдыржым кочкын пытара. Ты чер деч утлаш огеш лий, сандене шошым, шыжым «Бипин-Т» препаратым налын, мӱкшлан шавыман. Тыгак шинчаланшудо але кушко кислотам налаш лиеш.
Известкаҥмаш чер годым муно мӱкшыш веле савырнаш тӱҥалеш, тудо ошем кошкен кола. Тыгай годым ава мӱкшым, раме ден омартам вашталтыман.