Марий Эл Республикысе «Управление транспортом» кугыжаныш казна учреждений лишыл жапыште лу информативный таблом налаш да Йошкар-Оласе чарналтышлаште пижыкташ палемден. Тиде пашалан республикысе бюджет гыч 87 тӱжем теҥге ойыралтеш.
Увер таблом тыгай верлаште вашке ужаш лиеш:
Ленин проспект 65-ше номеран пӧрт воктене – «Рябинин урем» остановко,
Панфилов уремыште 21-ше номеран пӧрт воктене – «Космонавт-влакын скверышт» чарналтыш,
Панфилов уремыште 17а номеран пӧрт воктене – «Юбилейный спорткомплекс» остановко,
Пушкин уремыште, 23-шо номеран пӧрт воктене – «Опер театр» остановко,
Ленин проспектыште 38/4-ше номеран пӧрт воктене – «Яков Эшпай» чарналтыш,
Машиностроитель-влак уремыште 61-ше номеран пӧрт воктене – «Сеҥымаш парк» остановко,
Йошкар Армий уремыште 45а пӧрт воктене – «Быт пӧрт» остановко,
Йошкар Армий уремыште 42а пӧрт воктене – «Быт пӧрт» остановко
Воин-Интернационалист-влак уремыште, 28-ше номеран пӧрт воктене – «Кугыжаныш архив» чарналтыш,
Машиностроитель-влак уремыште, 22а/4-ше пӧрт воктене – «Ленин лӱмеш тӱвыра полат» остановко.