20-22 сентябрьыште Ханты-Мансийскыште финн-угор писатель-влакын Российысе конференцийышт лиеш.
Литератор, кусарыше, издатель, науко сферыште тыршыше да книгагудо пашаеҥ-влак финн-угор литературын кызытсе илышыже да ончыкылыкшо нерген мутланат. Тӱҥалше автор-влаклан тӱрлӧ семинарым, лекцийым, мастер-классым келыштарыме. Тыгак лӱмлӧ автор-влак дене вашлиймашым, «Финн-угор книга тӱня» ончерым ямдылыме.