Тыгай схеме почеш Йошкар-Олаште илыше 75 ияш ковам ондаленыт. Тудлан пуйто следователь йыҥгыртен да эргыже ДТП-ш логалын манын увертарен. Эҥгекыш логалше еҥ-влаклан тӱлаш да эргыже шотышто уголовный делам тарваташ огыл манын, ковалан толшо курьерлан оксам пуэн колташ кӱштеныт. Шоҥгыеҥ ӱшанен да тыгак ыштен.
Икмыняр жап гыч тудлан шешкыже лӱм дене йыҥгыртеныт да толшо курьерлан адак оксам пуыман манын ойленыт. Кова адак ӱшанен да оксам пуэн. Эҥгек 790 тӱжем теҥгеш шуын, палдара Марий Элысе МВД.
Тӱткӧ лийза!