Российысе «XXI курымын лидерже» конкурс тений Озаҥ олаште 21-25 ноябрьыште эрта. Тушто лидер качестван 14-35 ияш марте самырык ӱдыр-рвезе-влак коклаште эн чолгажым палемдаш тӱҥалыт. Сеҥышым икмыняр номинацийыште ойырат. Тидлан регистрацийым ончылгоч эртыман. Финалист-влак РФ-ысе «Первый в двадцать первом» йоча ушемын да самырык-влаклан слётын участникше лийыт. Нуно элнан йоча да самырык-влакын толкыныштым вияҥдыме шотышто тӱрлӧ каҥашымашке ушнен кертыт. Тыгак конкурс годым тале эксперт да спикер-влак дене вашлиймаш, туныктымо площадке-шамыч пашам ышташ тӱҥалыт.