Кугыжаныш Думышто, пенсийыш ончылгоч лекташ манын, азам ончымо жапым стажыш пурташ темленыт.
Вет кызыт паша, страховой да специальный (льготный) стаж-влакым ончат. Сандене ончылгоч пенсийыш лектын кертше-влак шагалемыт. Тыгай льготым чылаштлан огыл пуаш палемдат, а посна категорийыш пурышо-влаклан гына. Мутлан, медпашаеҥ, педагог да социально-кӱлешан моло категориян еҥ-влаклан. Ты йодмашым депутат Яна Лантратова Минтрудым вуйлатыше Антон Котяковлан возен. Лийын шуэш мо, ужына.