Шернур районысо прокуратур еҥ-влакын йодмышт почеш шуко пачеран пӧртыштӧ тӱшка погым кучымо шотышто законодательствын шукталтмыжым терген. Да управляющий компанийын пашаштыже экшыкым муын.
Шернур посёлкысо Заречный уремысе 1-ше номеран пӧртыштӧ уда леведышлан кӧра пачерлашке да тошкалтыш площадкылашке вӱд йоген пурен, тыге пырдыж локтылалтын.
Еҥ-влак ик гана веле огыл управляющий организацийыш вуйым шийыныт, но леведышым олмыктен огытыл. Должностной лицам дисциплинарно мут кучаш шогалтыме. Тылеч посна компанийын вуйлатышыже шотышто Шернур районын прокурожо РФ КоАП-ын 14.1.3 статьяжын 2-шо ужашыже почеш (шуко пачеран пӧртым кучымо шотышто предприниматель пашам шуктымо годым лицензионный требованийым пудыртымаш) административный правонарушений шотышто делам тарватен.
Марий Элысе кугыжаныш жилищный надзор департаментын пунчалже почеш, титакан еҥлан 25 тӱжем теҥге штрафым тӱлаш палемдыме.
Пунчал законло вийым налын. Прокуратурын полшымыжлан кӧра леведышым ачалыме.
Дарья Гомзина.