«Герои Марий Эл. Талешке-влак» программын участникше-влак Марий Эл Республикысе промышленность, экономике вияҥмаш да торговльо министр Владимир Халюзинын регионын социально-экономический вияҥмашыж нерген лекцийжым колыштыныт.
Тиде программе СВО-н ветеранже ден участникше-влакым туныкташ виктаралтын. Марий Элым Вуйлатыше Юрий Зайцевын кӱштымыжым шуктен, министр «Регионым социально-экономически вияҥдымаш» темылан лекцийым эртарен. Соцкыллаште тудо занятийыште тӱнямбал экономикын могай улмыж нерген, тыгак кундемыштына ситуаций нерген ойлымо нерген каласкален. Владимир Халюзин регионым вияҥдыме прогнозым кӱлешан данный да кызытсе тенденций-влак негызеш пуэн.
