Кодшо кечылаште Йошкар-Олаште «Арена Марий Эл» куштылго атлетике манежыште лапта дене модмо Республикысе Первенстве лийын.
Тушко 15-17 ияш ӱдыр ден рвезе-влак погыненыт. Юниор-влак коклаште Советский районысо Вечын школ гыч сеҥеныт, кокымшо верыш У Торъял районысо команде лектын, кумшо верыш – Медведево гимназийын командыже. Ӱдыр-влак коклаште икымше верым Медведево гимназий гыч налыныт, кокымшо верым – Килемар школ гыч, кумшо верым – Советский район гыч.