18 майыште Йошкар-Оласе «Арена Марий Эл» манежыште лапта дене Марий Эл Республикын чемпионатше лийын. Таҥасымаш 13-14 ияш ӱдыр-рвезе-влак коклаште эртаралтын.
Рвезе-влак коклаште икымше вер дене Медведево гимназий, кокымшо вер дене Советский районысо Вечын кыдалаш школ, кумшо вер дене ты районысак Кодам тӱҥ школ, нылымше вер дене Йошкар-Оласе 14-ше номеран гимназий палемдалтыныт.
Ӱдыр-шамыч коклаште икымше – Советский район Кужмара селасе кыдалаш школ, кокымшо – Медведево гимназий, кумшо – Килемар посёлкысо тӱҥ школ.
Марий Элысе Спорт да туризм министерствын сайтше гыч налме фото.