Республикыштына кеҥежым каныме да тазалыкым пеҥгыдемдыме тургымлан ямдылалтыт. Кодшо ийын ола воктенысе вич лагерь веле пашам ыштен. Тений 184 организаций: ола воктене верланыше 13 лагерь, 1 санаторий да кечывал жапыште каныме 170 тӧнеж – омсажым почеш. Тушто 16 тӱжем наре йоча канен кертеш. Тыгак 2000 наре йоча кундемна деч ӧрдыжтӧ тазалыкшым пеҥгыдемдышаш. Марий Элым вуйлатыше А.Евстифеев йоча лагерьлашке путёвко акын ик ужашыжым пӧртылтымӧ нерген шоналташ кӱштен.
Интернет гыч налме фото.