МарГУ-што фармакологический резистентность манме шанче лабораторий почылтын. Тудо неле черым, тыгак онкологийым эмлаш кучылташ лийше чот пайдале эмым ямдылыме шотышто научный шымлыме пашам умбакыже шуяш ышталтын.
Марий Элысе самырык шанчызе-влакын ямдылыме пашашт дене Юл кундем федеральный округысо «iВолга-2021» форумын ик площадкыштыже палдареныт. В.Шараповын «Митохондриальные транспортные системы» проектшым Россий Президентын полномочный представительже Игорь Комаров кӱкшын аклен. Тудын кӱштымыж почеш Марий Элыште лабораторий почылтын. Шымлыме пашам шукташ тушто чыла йӧным ыштыме. Холодильный камер ден холодильный сплит-системе, проточный цитофлуориметр, визуализаций клетке системе, газовый хроматограф улыт.