Советский район Маскародо ялыште шочшо
уста сӱретче Ю.И.Таныгинлан
12 майыште 60 ий темеш.
Россий художник ушемын еҥже шочмо кундемжылан пӧлеклалтше сӱретлам шочыктымыжлан эше 1994 ийыште Олык Ипай лӱмеш Кугыжаныш молодёжный премийын лауреатше лийын. А 2009 ийыште Юрий Иванович «Йыван Кырла» медаль дене суапландаралтын.
Йошкар-Оласе художественный училищыште да Москосо печать кугыжаныш университетыште графикылан, моло тӱрлӧ жанрлан тунемын. Ик жап «Кугарня» газетыштат сӱретчылан пашам ыштен.
Шочмо верыште
Таныгинмыт еш уста еҥ-влаклан поян. Сергей Таныгин – 2015 ий годсек Марий Элын сулло сӱретчыже, М.Шкетан лӱмеш Марий драмтеатрын тӱҥ художникше. Светлана шӱжарышт йот кундемыште йоча-влакым сӱретлаш туныкта.
Юрий Иванович деч йодде шым чыте: «Кузе ик ешыште кум мастар сӱретче шочын кертын? Негызым мо але кӧ пуэн?»
Тудо тыгерак вашештыш:
– Мый ешыште кугурак семын эн ончыч сӱретлаш тӱҥалынам. Эше йоча жапыштак тӱнян моторлыкшым, сылнылыкшым шижынам. Тунамак шкаланем шонен пыштенам: кумытынат тиде корно дене кайышаш улына. Шарнем, шымше классыште тунеммем годым изи блокнотышкем илыш планым сералтенам, ончыкылык пашам да кӧ кушко тунемаш пурышашлыкым ончыктенам. Шкаланем Йошкар-Оласе художественный училищыш тунемаш пураш манын возенам, Сергейлан – 1-ше номеран школ-интернатыш. А Светик тунам эше изи лийын, кушкын шумекыже, тудат тиде толкынышко логалын. Тыге ме, ялысе йоча-влак, икте почеш весе сылнылык тӱняшке кажне шке омсажым почедаш тӱҥална.
УМБАКЫЖЕ — «Кугарня» газетын 12 майыште лекше номерыштыже.
Элвика ӱдыржӧ дене. С
Ю.И.Таныгин — Сургутысо художник-влак коклаште.