Марий Эл Республикын 100 ияш лӱмгечыжлан Йошкар-Олаште 100 туйым шындыме.
Экологический акцийыш Марий Эл Республикысе Кугыжаныш Погынын, «Йошкар-Ола» ола округын депутатше-влак, рӱдоласе администрацийын пашаеҥже да активист-влак ушненыт.
Медведево районысо Поланур ялыште илыше-влак тиде кундемыште шочшо фронтовик-влаклан памятникым шогалтеныт. Тудым шке вий дене ыштеныт. Тыгодым чоҥымо материалын ик ужашыжым нуно шке оксашт дене налыныт, кодшыжым районысо администраций да Кугыжаныш Думын депутатше С.Солнцева пуэныт.