21 февраль – Шочмо йылмын тӱнямбал кечыже.
Ты кечын 55 ий ожно (1969) «Акпатыр» опер дене М.Шкетан лӱмеш Марий муздрамтеатрын музыкальный труппыжо шке пашажым тӱҥалын. Тиде труппо негызеш вара музыкальный театрым ыштыме. 1994 ий годсек тудо Эрик Сапаев лӱмеш опер да балет театр маналтеш.
22 февраль – дирижёр, композитор, Марий Эл Кугыжаныш премийын лауреатше, Марий АССР-ын сулло артистше, РФ сымыктышын сулло пашаеҥже И.И.Егоровлан – 75 ий.