Лӱмгече кечышот

8 ноябрьыште Совет Ушем Герой, Кугу Отечественный сарын участникше Феофан Григорьевич Радугинын (1912-1993) шочмыжлан – 110 ий.

Феофан Григорьевич Радугин Курыкмарий район Камаканыр ялеш шочын. Йоласал, Сурский школлаште тунемын, варажым Мариинско-Посадский лесотехникумыш пурен. 1933 ий марте Козьмодемьянскысе сплавконторышто чодырам эҥер вӱд дене волтымашын техникшылан пашам ыштен. Варажым Тамбовысо авиационный школыш каен, Батайскыште кеҥежым кӱшыл школышто ямдылалтын. 1940 ий декабрьыште Феофан Радугиным аэропортым вуйлаташ шогалтеныт.

Кугу Отечественный сарыш 1941 ий июньышто каен. Тушман-влакын фронт ден тыл верлаште 1350 шагат чоҥештылын, 247 гана чоҥештен. Партизан-влаклан 120 тонн беоприпасым намиен, нелын сусыргышо 385 партизаным наҥгаен.

1946-1952 ийлаште СССР Гражданский Юж флотын (ГВФ) Тӱҥ управленийыштыже старший инспектор-пилотлан пашам ыштен. 1952-1955 ийлаште СССР ГВФ-н Венгрийысе представительже лийын.

Ф.Г.Радугинын лӱмжым Йоласал школ нумалеш. Тусо пырдыжыште шарнымаш оҥам пижыктыме. «Козьмодемьянский культурно-исторический музейный комплекс» тӧнежыште тудын нерген экспозицийлан материал-влакым погымо. Совет Ушем Геройлан пӧлеклалтше стенд Поволжский кугыжаныш технологический университетысе тоштерын Мариинско-Посадского филиалыштыже уло. Чуваш поэт И.В.Казаков 2008 ийыште «Сокол мари – лётчик Феофан Радугин» почеламут сынан романым возен.