30 октябрь – 95 ий ончыч (1927) Москошто «Марий ял» газетын икымше номерже лектын. Ты газетым ВКП(б) ЦК-н Марий секцийже ямдылен, 1931 ий марте савыкталтын.
35 ий ончыч (1987) Йошкар-Олаште М.Шкетанлан памятникым почмо. Скульпторжо – С.Г.Тугаринова.
Октябрьыште Параньга районын «Ударный колхозник» газетше лекташ тӱҥалмылан – 90 ий, кызыт – «Наша жизнь».
2 ноябрь – писатель, кусарыше, журналист М.С.Калашниковын (1912-1979) шочмыжлан – 110 ий.
3 ноябрь – 155 ий ончыч икымше марий букварь савыкталтын (М.С.Кроковский «Упрощённый способ обучения чтению черемисских детей горного населения», Казань, 1867).
Марий Эл тӱвыран сулло пашаеҥже, поэтессе З.М.Дудиналан – 60 ий.