11 октябрь – кок орденан вуйлатыше, «Марилес» комбинатым 1966-1981 ийлаште вуйлатыше, Марий АССР Министр-влак Совет председательын алмаштышыже (1981-1988) А.И.Сурьяниновын (1927-2009) шочмыжлан – 95 ий.
14 октябрь – Стандартизацийын тӱнямбал кечыже.
Кок орденан вуйлатыше пашаеҥ З.М.Антоненкон (1907-1996) шочмыжлан – 115 ий. ВКП(б) Йошкар-Ола горком секретарь, Марий АССР Телерадиокомитет председатель лийын.
Марий автономный областьыште калык образованийым ыштымаште тыршыше, литератор-прозаик И.Е.Романов (Одар) (1887-1946) шочмыжлан – 135 ий.
Марий Эл тӱвыран сулло пашаеҥже, Россий Писатель ушемын Марий Элысе пӧлкажым вуйлатыше (2010 ий годсек), литератор С.Д.Архиповалан (Григорьева-Сото) – 55 ий.