15 октябрь – Ялысе ӱдырамашын кечыже.
Марий Элын сулло журналистше, поэт Ю.М.Григорьевлан — 55 ий. Тудо «Кугарня», «Марий Эл» газет редакцийлаште пашам ыштен.
Марий Эл тӱвыран сулло пашаеҥже, И.С.Палантай лӱмеш Тӱвыра да сымыктыш колледжын туныктышыжо Р.И.Емельяновалан – 70 ий.
Марий Элын сулло артискыже, Республикысе курчак театрын артист-кукловодшо Е.А.Стрельниковалан – 65 ий.
16 – Кочкыш сатун тӱнямбал кечыже.
60 ий ончыч (1961) Морко район Чавайнур ялыште С.Г.Чавайн лӱмеш литературно-этнографический комплексым почмо.
Йошкар Тисте орденын кавалерже, 1946-1958 ийлаште республикысе научный библиотекын директоржо П.В.Власовын (1891-1965) шочмыжлан – 130 ий.
17 – Корно озанлык пашаеҥ-влакын кечышт.
Кочкыш промышленностьысо пашаеҥ-влакын кечышт.
135 ий ончыч (1886) Советский район Вечын селаште школым почмо.
Федеральный антимонопольный службын Марий Элысе управленийжым ыштымылан – 30 ий.