11 июнь – Текстильный ден куштылго промышленность пашаеҥ-влакын кечышт.
12 – религий пашаеҥ, (Михайловское селан (кызыт Сурты маналтеш) Троицкий черкын священникше А.А.Троицкийын (1872-1938) шочмыжлан – 150 ий.
14 – Вӱрым пуышо донорын тӱнямбал кечыже.
Миграционный службо пашаеҥ-влакын кечышт.
Туныктышо, мер пашаеҥ, литератор, Марий пединститутын икымше директоржо И.Е.Романовын (Одар) (1887-1946) шочмыжлан – 135 ий.
«Путёвка в жизнь» йӱкан икымше совет фильмым шындыше режиссёр, РСФСР сымыктышын сулло пашаеҥже Н.В.Эккын (Ивакин) (1902-1976) шочмыжлан – 120 ий.
15 – писатель, критик-литературовед, «Ончыко» журналын 1961-1972 ийласе тӱҥ редакторжо, Марий АССР тӱвыран сулло пашаеҥже А.А.Асылбаевын (Ахмет Асаев) шочмыжлан – 110 ий.
16 – Марий телевиденийыште цветной телевизионный вещанийлан – 45 ий.