11 март – историй шанче кандидат, доцент, Марий Эл шанчын сулло пашаеҥже, МарГУ-со историй-филологий факультетын 1988-2004 ийласе деканже А.Н.Чимаевлан – 80 ий.
14 – кугыжаныш да мер пашаеҥ, Марий АССР-ын 1984-1992 ийласе тӱвыра министрже, философий шанче кандидат Н.Н.Гавриловлан – 75 ий.
Чап орденын тичмаш кавалерже, Кугу Отечественный сарын участникше П.Н.Хлебниковын (1912-1987) шочмыжлан – 110 ий.
15 – Совет Ушем Герой, Кугу Отечественный сарын участникше Т.К.Кержнёвын (1922-1992) шочмыжлан – 100 ий.
16 – сӱретче, Марий АССР сымыктышын сулло пашаеҥже Г.М.Осокинын шочмыжлан – 100 ий.
Марий АССР-ын калык артистше, Москосо циркыште ыштыше, а вара Медведево посёлкышто мини-зоопаркым чумырышо Г.Г.Гибадуллинын (1952-2016) шочмыжлан – 70 ий.