1 январь – Марий Эл Республикын сулло журналистше, «Ончыко» журналын редакторжо Б.А.Шамиевлан – 75 ий.
Мурызо, РФ-н сулло, Марий Элын да Татарстанын калык артисткыже Г.Т.Ластовка-Окуневалан – 75 ий.
2 – библиотекарь-библиограф, Марий АССР тӱвыран сулло пашаеҥже Н.К.Смирновлан – 75 ий.
6 – Йошкар-Олаште марий йылме шотышто икымше научный конференций почылтмылан (1937) – 85 ий. Тудо 11 январь марте пашам ыштен.
Сӱретче, Марий Элын сулло художникше Г.В.Тайгильдинлан – 80 ий.
7 – Рошто пайрем.
9 – Республикысе курчак театрын актрисыже, Марий Элын калык артисткыже Э.С.Лисицыналан – 55 ий.
11 – Совет Ушем Герой А.И.Заровняевын (1922-1977) шочмыжлан – 100 ий.
Учёный-археолог, историй науко доктор, Марий АССР наукын сулло пашаеҥже Г.А.Архиповын (1932-1995) шочмыжлан – 90 ий.
Марий Элын калык артисткыже О.Ф.Харитонован (1947-2021) шочмыжлан – 75
ий.
12 – Российыште прокуратур пашаеҥ-влакын кечышт.
Элгӧргӧ службын отставкысе генерал-полковникше, технический науко доктор, профессор, РФ Правительстве премийын лауреатше И.М.Тетеринлан – 70 ий.
13 – Россий Печать кече.
Куштызо, Марий АССР Кугыжаныш премий лауреат, республикын калык артистше А.В.Жандарскийын (1937-2005) шочмыжлан – 85 ий.
Э.Терентьева.