Ты вондо тӱрлӧ чер дене кучедалаш полша. Кичкыже поснак пайдале. Лӱмегож кичкым астме, цистит, геморрой да моло чер годым кучылтыт.
Лӱмегож кичкан ванныйым ышташ пайдалыле.
Тидлан 200 гр кичкым шолшо вӱдыштӧ шинчыктыман да, шокте гоч шӱрен, леве ванныйыш ешарыман. Тыгай вӱдыштӧ 10-15 минут кияш лиеш.
Кунам погаш? Лӱмегож кичке сентябрь-октябрьыште шемалге-канде тӱсым налеш, лач тунам тудым погаш темлат.
Кузе аралаш? Кичкым шӱк деч эрыктыман, юж сайын коштмо верыште коштыман.