Лӱйкаленыт. Куржталыныт…

5-6 февральыште Йошкар-Олаште Марий Эл Республикын первенствыже полиатлон дене эртаралтын. Спортсмен-влак спортын ныл видше дене вийыштым тергеныт: лӱйкалымаш, иймаш, 60 да 1000 метр дистанцийыш куржмаш.

Четырехборье программе дене ӱдырамаш-влак коклаште эн шуко баллым – 329 – Мария Петухова (МарГУ), а пӧръеҥ-влак коклаште Михаил Просторядин (300 балл, МарГУ) погеныт. Районласе команде-влак коклаште ончыл верыш Советский район лектын. Спортивный клуб да физический культур коллектив-влак кокла гыч МарГУ-н командыже ойыртемалтын.

Интернет гыч налме фото.