Республикысе пӱртӱс министерствын 10 августлан данныйже почеш, тений, пожар лӱдыкшӧ тургым тӱҥалмеке, Марий Элыште 67 гана чодыра пожар ылыжын.
117 гектар кумдык чодырам тул пытарен. Пожар утларакшым айдемын титакшылан кӧра ылыжеш. 31 июль гыч 19 август марте республикыште пожар ваштареш кучедалме режимым увертарыме. Еҥ-влаклан чодыраште лияш да тушко транспорт дене пураш чарыме. Законым пудыртышо-влак шотышто административный да уголовный паша тӱҥалын кертыт.