Шернур район Чисола ялыш пурымаште корным ачалат.
Тушто шошым да шыжым кудалышташ лӱдыкшӧ лийын: асфальт локтылалтын, вӱдпуч тура курыкан корем серыште верланен, а тудо сӱмырлен, кудалаш вер кок метр наре лопкытан вер гына кодын. Вет ты лӱдыкшӧ корно дене Чисолаште 21 суртышто илыше 61 еҥ кудалыштеш. Ачалыме пашам республикысе Правительствын пунчалже почеш шукташ тӱҥалме.