Марий эл боксын федерацийже дене 25-27 февральлаште республиканский чемпионатым эртара. Тудо афган сарыште кредалше да вуйым пыштыше талешке-мемнан землякна-влакым шарнымашлан пӧлеклалтын . Теҥгече тудо Йошкар-Олаште, бокс турнир-влакым эртарашлан лӱмынак ыштыме спортзалыште торжественно почылтын. Тушко Марий Эл республике правительстве вуйлатышын алмаштышыже С.А.Воронцов, афган сарын ветеранышт, республикынан чапшым арлыше лӱмлӧ спортсмен да болельщик- погыненыт. Рингышке икымше кечын 2007-2012 ийлаште шочшо республикынан тӱрлӧ верлаже гыч толшо 29 самырык боксер шке патырлыкшым ончыкташ кӱзен. Спортсмен-влакым сеҥымашлан мурызо-влак кумылаҥденыт.