Федеральный почто кылын Марий Элысе управленийжын директоржо А.Виногоров ден Марий Элысе тӱвыра, печать да калык-влакын пашашт шотышто министр К.Иванов ойпидышым ыштеныт.
Тудын дене келшышын, социальный проект-влакым пырля илышыш шыҥдараш, тӱвыра мероприятий-влакым эртараш кутырен келшеныт.
Мутлан, Подписчик-влак кечым, «Дерево добра» акцийым, почтын историйжылан пӧлеклалтше ончерым.
Икымше проектым 2022 ийыште илышыш пурташ шонат. Вес ийын Йошкар-Оласе Главпочтамтын полатшым олмыктат, тудын пелен «Нулевой километр» памятникым вераҥдат. Документын эше ик тӱҥ ужашыже – республикыште почто кылым утларак вияҥдаш.
2-шо лаштыклан увер-влакым (50 (1667) No • 2021 ий 10 декабрь) И.Александрова, Е.Иванова, Э.Терентьева, И.Ямбаршева ямдыленыт.