Южгунам кевытыште сатун аралалтме срокшым ончалын огына шукто, але мӧҥгӧ кондымеке пужлымым ужына. Тыгай годым кузе лияш?
✱Кевытыш наҥгаен, сатун ситыдымашыже нерген администраторлан ойлыман. Сатум алмашташ але оксам пӧртылташ йодса. Умылыдымаш ынже лий манын, чӱчкыдын йодмашым шуктат.
✱Оксам пӧртылташ але сатум алмашташ огыт келше. Тыгодым кевытым вуйлатыше верыштыже уке гын, «Темлымаш да вуйшиймаш» книгашке сатун ситыдымашыжым да ужалышын мом ойлымыжым возыман. Ты книгам йодмо почеш вигак пуышаш улыт. Оксам пӧртылтен але сатум алмаштен да книгам пуэн огытыл гын, Роспотребнадзорын органышкыже вуйшиймаш дене каен кертыда. Роспотребнадзорын пашаеҥжевлак, йодмашым налмеке, кевытыш тергымаш дене лекшаш улыт. Нарушенийым муыт гын, штрафым тӱлыктат.
✱Налме сатун срокшо лектын огыл гын, те тудым алмаштен огыда керт.
Уда качестван сатулан кӧра айдемын тазалыкшылан эҥгек лийын гын, черле еҥ эмлалтмылан пытарыме оксам суд гоч йодын кертеш. Тыгодым эмлымвер гыч аяргыме нерген справке лийшаш
Чек уке гын…
Сатум пӧртылтынеда, но чекда уке гын, тиде кевытыште налмыдам ужшо еҥым муаш кӱлеш. Тудын ойлымыжым кагазыш возыман. Тыгак тичмаш данныйжым палемдыза (лӱм, ачалӱм, фамилий, кушто ила, телефон номер).
Кевытыште улшо видеокамер дене пайдаланаш лиеш.
Сатун идентификаций артикулжым накладной почеш тергаш лиеш