Куткышуэ пакчаште кугу эҥгекым ышта, тудым пытараш йӧсӧ. Икмыняр темлымаш.
Куткышуэш шӱрашым шавалтыза. Шӱраш падыраш лончыш пура да коштмо корныштым петыра. Кутко-влак муным оптымо верыш шӱрашым оптат, а личинке-влак тӱжвалне кодыт. Тыге куткышуэште кутко-влак шагалемыт.
Йыраҥыште пошеныт гын…
– ломыжым, тыгыде пилашӱкым але известкам шавыза;
– куткышуэш чот шинчалан але тыглай шолтымо вӱдым опталза;
– кутко коштмо корнышко армшудым, петрушкым, чеснокым пыштыза;
– шинчалтыме кол вӱдым кышкалза.