манеш «Дебют» куштышо коллективын участницыже О.Чешуина.
Начар тазалыкан ӱдырын куштымыжым ужын, вий-куатан еҥ гына тидым ыштен кертеш манын шоналтет да йоҥылыш от лий. Тудын гаяк ДЦП черан чыла айдеме кушташ йӧным огеш му. Ты амалланак кӧра ты ӱдыр дене палыме лияш шонен пыштышым. Тиде –33 ияш Ольга Чешуина.
Шкенжым Лёля манеш, вет йӧратыме коваже тудым лач тыге лӱмден. А ӱдырым кызыт лишыл еҥже-влак Ёжик маныт. Тидлан Ольга нимынярат ок сыре, тиддене кӧна да «Мый вет шоҥшо иге семынат шуркален кертам» манын, мыскара йӧре пелешта.
Шуко шочшан ешыште
О.Чешуина Томск оласе Асино олаште шуко шочшан ешыште шочын. Кок ий ончыч Йошкар-Олашке илаш толын. Ӱдыр Денис лӱман рвезе дене Интернет гоч ныл ий мутланен. Тунам Ольга Тольятти олаште илен, тушко палымыже-влак деке миен улмаш. Пачерым айлаш шергырак лийын, сандене Денисын ӱжмыж почеш Йошкар-Олашке толын. Ынде Ольга рӱдолаштына пачерым айлен ила.
«Ешыштына индеш йоча кушкынна. Мый кумшо шочшо улам. Галя акам, Вова изам, Витя, Саша, Дима шольым-влак, Даша, Наташа, Таня шӱжарем-влак улыт. Ача-ава деч посна шке семын илен ончаш манын, эн ончыч Томск олаш куснышым. Варажым Тольятти олаште кок ий наре илышым. Умбакыжымат путешествоватлаш шоненам. Тунам Интернет дене Солнечный посёлкышто илыше рвезе «Йошкар-Ола пеш мотор, тол тышке» манын. Теве ынде кок ий утларак тыште илем», – каласкала Ольга.
УМАКЫЖЕ — «КУГАРНЯ» газетыште.