Кодшо каныш кечылаште «Марий Эл Ареныште» начарын колшо еҥ-влак коклаште куштылго атлетике дене Марий Эл Республикын Чемпионатше да Первенствыже эртеныт.
Мероприятийыш республикын тӱрлӧ районжо гыч 38 спортсмен ушнен. Участник-влак кок дисциплиныште таҥасеныт: 100 метрым куржмаш да вер гыч кужытыш тӧрштымаш.
Чыла спортсмен 4 ийгот категорийлан пайлалтын таҥасен. Первенствыште 11-15 ияш ӱдыр-рвезе-влак, 16-22 ияш юниор ден юниорко-влак лийыныт. Чемпионатыште — 23-35 ияш ӱдырамаш-влак, 35 ияш да кугурак ӱдырамаш ден пӧръеҥ-влак лийыныт.
Марий Эл Республикысе спорт министерствын тӱшкаж гыч налме фото-влак.