Тений кеҥежым Марий Элышке ӱмашсе деч 30 процентлан утларак турист толын каен. Утларакше Козьмодемьянск олам, Йошкар-Олам да Юрино районысо Шереметев замокым онченыт.
А кундемыштына илыше-влак кушто каненыт? Тидым МТС Big Data сервисын специалистше-влак рашемденыт.
Пашам ыштыше-влак утларакше августышто отпускым налыныт. Шукынжо «Золотое кольцо России» маршрут дене коштыныт. Оҥай, но кечывалвелысе курорт-влак чот каныме вер-влак радамыш логалын огытыл. Еҥ-влак историй дене кылдалтше верлам ончаш, санаторий ден турбазылаште тазалыкыштым пеҥгыдемдаш тыршеныт.